閃躍澳門傳媒，高德地圖授權代理商。我哋幫澳門餐飲、零售、服務類商戶做線上營銷。客戶可能係一間新口岸茶餐廳、一間美容院、一間手信店。佢哋唔缺一條靚片，佢哋缺一個可以持續帶客嘅內容系統。
我哋唔係 4A，唔係 MCN，唔係純拍片公司。我哋做嘅係：用內容＋數據，幫客戶搵到客、引到店、做到生意。
招聘通告：我們在找一個能把澳門小店拍成 IP 的人
商業短影音 IP 操盤手（全職）
如果你只想搵一份「跟稿剪片」嘅工，呢度可能唔啱你。
我哋要嘅係一個可以自己搵題、寫本、拍攝、剪接，並且對條片有冇人入店負責嘅人。唔係小編，唔係剪片師，係一個由 0 到 1 幫品牌創始人建立 IP 嘅操盤手。
你嚟到會做咩
同茶餐廳老闆傾半日，搵出佢間店真正值得拍嘅故事
寫出一個喺抖音、小紅書、影音號都跑得通嘅腳本
自己拿機拍，自己剪，自己睇數據
知道澳門邊個區旅客多、邊個時段本地客多、邊類內容會令內地客專程過關
緊貼時事：今日小紅書興咩、抖音咩題材跑得動、澳門發生咩事可以借勢，你要比客戶快一步
將一間普通店變成有記憶點嘅 IP
睇數據，唔係睇 Like，係睇搜尋、導航、到店、營業額
我哋要嘅人
有商業 IP 或個人品牌 IP 操盤經驗，唔係只做過個人 vlog
熟悉抖音、小紅書、影音號，講得出爆款規律，也知點解會爆
能獨立完成：選題 → 劇本 → 拍攝 → 剪接
懂 Marketing 同 Branding，知道內容點樣服務生意，唔係為拍而拍
了解澳門餐飲、零售、服務業嘅經營情況，或者願意落場學
粵語、普通話流利
有操作過「創始人 IP」或「品牌帳號」從 0 到 1 嘅經驗，優先
我哋唔要嘅人
作品集只有風景、婚禮、個人生活，冇商業帳號案例
只會等指令，唔會問「點解要拍呢條」
覺得爆款靠運氣，唔睇數據
唔願意同本地商家打交道，唔想學澳門文化
唔識粵語，或者唔想學
待遇
薪金：MOP 12,000+提成
項目獎金：總收入可達 MOP 25,000+
年終獎金：視公司年度業績及個人表現，
有薪年假：法定 10 天 +【隨年薪每年加一天，封頂 15天】
雙休，9 小時工作（含 1 小時午餐）
上班地點：澳門新口岸區
點申請
唔好只 send CV。send 呢三樣：
你操盤過嘅帳號：名稱、粉絲數、播放量、最好嘅一條片、商業成果
你寫過嘅腳本或成片，至少 3 條
用一段話答我：你覺得澳門餐飲零售做短影音，最難嘅係咩？點解？
冇作品集唔考慮。合則約見。
招聘通告：我們在找一個能把混亂變秩序的人
項目營運主任/經理（全職）
如果你只想做「跟進度、開會、填表」嘅 PM，呢度唔啱你。
我哋要嘅係一個可以同時管住澳門同內地團隊、客戶期望、政府合規同預算嘅人。你嘅工作唔係管理一個部門，而係確保每個項目由開始到交付都唔會爛尾。
你嚟到會做咩
統籌所有項目時程，確保商戶服務按計劃執行
調度設計、短影音、PR 等內地及澳門團隊資源
建立標準化作業流程，提升團隊效率
把關對外內容品質，確保符合政府合規要求
管理客戶關係，處理問題，確保滿意度
指導團隊撰寫政府執行報告
管控預算，對數字敏感
我哋要嘅人
2 年以上經驗，其中至少 1 年廣告／營銷公司項目管理經驗
熟悉澳門及內地社交媒體生態：FB、IG、小紅書、抖音
出色嘅溝通協調與多項目管理能力
對數字敏感，能管控預算
粵語、普通話溝通流利
有政府項目執行及報告撰寫經驗，優先
有跨境團隊協作經驗（澳門＋內地），優先
我哋唔要嘅人
只做過單一項目，唔識同時處理多條線
只會轉發郵件，唔會主動解決問題
唔識社交媒體，唔明內容團隊點運作
怕衝突，咩都話好，最後交唔到貨
待遇
我哋知道澳門請一個真係管到項目嘅人唔容易，所以唔會用一個連自己都唔信嘅價。
月薪：MOP 16,000–25,000（視經驗）
年終獎金：視公司年度業績及個人表現，
有薪年假：法定 10 天 +【隨年薪每年加一天，封頂 15天】
雙休，9 小時工作（含 1 小時午餐）
上班地點：澳門新口岸區
點申請
send CV + 期望薪金 + 一段話：你點樣同時管 5 個以上項目而唔爆煲？
合則約見。